| Mehdi Hmili sur Monte carlo doualiya |
| Écrit par nejib | |||||||||
| 07-08-2008 | |||||||||
|
Plus d'infos : http://www.rmc-mo.com/rmar/emissions/083/emission_principal_40.asp
اربعه و عشرين تصويره في اللحظه
اربعه و عشرين تصويره في اللحظه اربعه و عشرين تصويره في اللحظه ضحكه,دمعه وتنهيده مالقلب نضحك بالفم المليان مع شارلو و ولدو الصغير والروح تحلم وتطير فوق جلسومينا و زمبانو وموتورهم اللي شق بلاد الطليان وعمري ماننسى باتيست الميم اكبر ارتيست نمشي ديما للصاله الظلمه وقلبي معمر عالحلمه باش ننسى همومي مع الريحاني ونرى الفنان قداش يعاني باش يخلق مالسكوت..نغمه اربعه و عشرين تصويره في اللحظه ضحكه,دمعه وتنهيده مالقلب نتعدى على فيلم نوار نتخض..ونلوج عاللي قتل و هرب بالفلوس الكل لين يجي بلموندو وما يخلي منهم حد خاطر في افلام غودار ماتفهمش الليل مالنهار وعمرك ما تاخذ الحكايه بالمنجد اربعه و عشرين تصويره في اللحظه ضحكه,دمعه وتنهيده مالقلب نهرب في رود موفي ما بين الصحراء و تشينيشيتا يعرضني بو و ولدو العينين تلوج على بسكلات تسرقت و عمرها ما تلقات نلوج معاهم بين احلام فلليني مارتشيلو..في آخر الدولتشي فيتا يبكيني الضباب..هبط على غويدو وهو يرعش..هاز ايدو وبضحكتو قهر الظلام بالاَّ.. لا فيتا وفي تشينشيتا..تتحقق الاحلام يتعدى النهار..في لحظه و نخرج في الليل مالصاله كي بوغار..الطربوشه مايله اربعه وعشرين دقه..في قلبي الفم يضحك و الدمعه سايله مهدي هميلي باريس 2008 (من وحي أيام السينماتيك فرانسيز) par Mehdi Hmili  Recommandez (13) | Pages vues: 86 | Version imprimable | Suggérer par mail
|
|||||||||
Commentaires (1)
| < Précédent | Suivant > |
|---|
